"Қазақстандық Месси" алматылық "Қайрат" футбол клубында қалатын болды

Алматылық "Қайрат" футбол клубы Еркебұлан Сейдахметпен арадағы келісімшартты ұзартты. Бұл туралы KAZ.NUR.KZ "Қайрат" футбол клубының Instagram-дағы ресми парақшасына сілтеме жасап хабарлайды.

Шабуылшы Еркебұлан Сейдахмет пен "Қайрат" футбол клубтары арасындағы жаңа келісімшарт 2024 жылғы маусымның соңына дейін есептелген.

2022/23 жылғы маусымда Сейдахмет алматылық команда сапында барлық турнирде 27 кездесу өткізіп, 2 гол соғып, 1 нәтижелі пас берді. Сонымен қатар "Қайрат" футбол клубы Қазақстан Премьер лигасының өткен маусымында 26 ойында 44 ұпай жинап, 4-орын иеленген еді. Алматылық ұжым келер маусым еурокубок ойындарына қатыса алмайды.

Айта кетейік, Еркебұлан Сейдахметтің "Ақсу" футбол клубының қақпасына соққан голы ҚПЛ-дың 2023 жылғы маусымның үздік голы болып танылған еді.

Мәтіннен қате тапсаңыз, бізге жазыңыз