54 гол соққан Роналду 2023 жылдың үздік cұрмергені атанды

38 жастағы португалиялық футболшы Криштиану Роналду 2023 жылдағы 54-голын соғып, үздік сұрмерген атанды. Бұл туралы KAZ.NUR.KZ тілшісі хабарлайды.

Футболдан Сауд Арабиясы чемпионатының кезекті матчында "Әл-Наср" клубы "Әл-Таавунды" 4:1 есебімен жеңді. Осы матчтың соңғы минуттарында "Әл-Наср" шабуылшысы Криштиану Роналду 2023 жылдағы 54-голын соқты. Сөйтіп португалиялық футболшы гол саны бойынша "ПСЖ" шабуылшысы Килиан Мбаппе мен "Бавария" ойыншысы Харри Кейнді артта қалдырды. Ол екеуінің қоржынында 52 голдан бар.

Бір жылда 54 гол салу - Роналду 2016 жылдан бері жеткен үздік нәтиже. Осы нәтижеден кейін ол Instagram желісінде жазба жариялады.

"54 – қашан аяқтайтынымды өзім айтам! Рақмет, команда!", - деп жазды футболшы.

Бұған дейін Роналду дубль саны бойынша "Интер Майамидің" шабуылшысы Лионель Мессимен теңескенін жазғанбыз. Ол "Әл-Наср" мен "Әл-Иттихад" клубы арасындағы кездесуде 157-дублін жасаған еді.

Қазір "Әл-Наср" клубы футболдан Сауд Арабия чемпионатының турнир кестесінде 46 ұпаймен екінші орында тұр.

Мәтіннен қате тапсаңыз, бізге жазыңыз