"Барселона" футбол клубы Испания Суперкубогының финалына шықты

Испания Суперкубогының 1/2 финалында "Барселона" мен "Осасуна" футбол клубтары кездесті. Бұл туралы KAZ.NUR.KZ тілшісі хабарлайды.

Жартылай финалдық ойын Сауд Арабия астанасы Эр-Риядта өтті.

Матчтың алғашқы таймында есеп ашылмады. Ал екінші таймның 59-минутында "Барселона" шабуылшысы Роберт Левандовски гол салды. Кейін 90+3-минутта оның командаласы Ламин Ямал есепті еселеді. Осылайша "Барселона" 2:0 есебімен жеңіске жетіп, финалға жолдама алды.

Енді "Барселона" командасы ақтық бәсекеде "Реал Мадридпен" ойнайды. Еске салайық, "Реал Мадрид" клубы "Атлетиконы" 5:3 есебімен жеңіп, финалға өткен еді.

"Барселона" осы уақытқа дейін Испания Суперкубогын 14 рет, ал "Реал Мадрид" 12 рет иеленген.

Мәтіннен қате тапсаңыз, бізге жазыңыз