Ресми: "Бавария" футбол клубының бас бапкері қызметінен кетеді

Германиялық "Бавария" футбол клубының бас бапкері Томас Тухель маусымның соңында қызметінен кетеді. Бұл туралы KAZ.NUR.KZ "Бавария" командасының ресми сайтына сілтеме жасап хабарлайды.

Томас Тухель "Бавариямен" 2025 жылдың 30 маусымына дейін келісімшарт жасасқан еді. Бірақ қос тарап келісімшартты уақытынын бұрын үзуді ұйғарған.

"Біз келісімді осы маусымның соңында аяқтаймыз деп шештік. Әрине, мен оған дейін жаттықтырушылар штабымен бірге жұмыс істеп, жетістікке жету үшін қолымнан келгенді жасай беремін", – деді бапкер.

50 жастағы маман германиялық клубқа 2023 жылдың наурызында келген еді. Оның жетекшілігімен команда 2022/23 жылғы Бундеслиганы жеңіп алды. Қазір "Бавария" Бундеслиганың турнир кестесінде 22 матчтан кейін 50 ұпай жинап, 2-орында тұр. Бірінші орынға 58 ұпаймен "Байер" командасы жайғасқан.

Енді "Бавария" командасы Бундеслигадағы кезекті ойынын "РБ Лейпциг" ұжымына қарсы өткізеді. Ойын 24 ақпанда Мюнхенде болады.

Мәтіннен қате тапсаңыз, бізге жазыңыз