Бүгін, 26 наурызда футболдан Грузия құрамасы Еуропа чемпионатына іріктеу турнирінің финалдық матчында Грекияны жеңді. Бұл туралы KAZ.NUR.KZ тілшісі хабарлайды.
Ойын Тбилисидегі "Динамо-Арена" стадионында өтті. Матчтың негізгі уақыты 0:0 есебімен аяқталды. Ал пенальти сериясында Грузия командасы басым түсіп (4:2), тарихында алғаш рет Еуропа чемпионатына жолдама алды.
Еуропа чемпионатының топтық кезеңінде Грузия құрамасы Түркия, Португалия, Чехиямен бірге F тобында ойнайды. Еуро-2024 турнирі 14 маусым мен 14 шілде аралығында Германияда өтеді.
Еске салайық, жартылай финалда Грузия командасы Люксембургті 2:0 есебімен жеңсе, Грекия құрамасы Қазақстанды 5:0 есебімен ұтқан еді.
Мақаланың түпнұсқасы: https://kaz.nur.kz/sport/football/2073738-gruziya-quramasy-tarixynda-algas-ret-futboldan-europa-cempionatyna-zoldama-aldy/
