Италия құрамасының бұрынғы ойыншысы Марко Матерацци футболдан Қазақстан құрамасы қашан әлем чемпионы атанатынын сұраған журналиске жауап берді. Бұл туралы KAZ.NUR.KZ BorodAbata Youtube арнасына сілтеме жасап хабарлайды.
Cпорт журналисі Ербол Қайыров футболшы Марко Матерацциге "Қазақстан құрамасы қашан әлем чемпионы болады деп ойлайсыз?" деген сұрақ қойды.
"Мен тіпті Италия құрамасы қашан кезекті рет әлем чемпионы атанатынын білмеймін. Сондықтан Қазақстан құрамасы жайлы айту қиын", – деді Матерацци.
Еске салайық, Марко Матерацци Қазақстанға келген еді. Ол Астанада өткен Metaratings Top Awards премиясының марапаттау рәсімінің арнайы қонағы болды. Сондай-ақ "Астана" футбол клубының U-17 жасөспірімдер құрамасының оқу-жаттығу жиынына қатысты.
Марко Метерации – 2006 жылы Италия футбол құрамасының сапында әлем чемпионы атанған футболшы. Ол – Италияның бес дүркін чемпионы және Чемпиондар лигасының жеңімпазы.
Мақаланың түпнұсқасы: https://kaz.nur.kz/sport/football/2077457-marko-materacci-futboldan-qazaqstan-quramasy-qasan-alem-cempiony-bolatynyn-aitty/
