Халықаралық футбол қауымдастықтарының кеңесі (IFAB) қақпашылардың допты ойынға қосу уақытына қатысты жаңа ереже ұсынды. Бұл туралы KAZ.NUR.KZ ESPN телеарнасының ресми сайтына сілтеме жасап хабарлайды.
Қазіргі ереже бойынша қақпашы допты 6 секунд ішінде ойынға қосуы керек. Ал жаңадан ұсынылған ережеге сәйкес, қақпашы допты 8 секундтан артық қолында ұстап тұрса, қарсылас командаға бұрыштама немесе аут беріледі. Ол ережені бұзған қақпашыға ең жақын қапталдан орындалады.
Бұл ереже 2024/25 жылғы маусымда сынақтан өткізілмек. Кейін 2025 жылдың соңында IFAB ұйымы ережені талқылайды. Егер сынақ сәтті өтсе, 2026/27 жылғы маусымнан бастап барлық турнирде қолданыла бастайды.
Еске салайық, футбол ойынына sin-bin төрелік процестері аясында көк қағаз енгізу ұсынылған еді.
Мақаланың түпнұсқасы: https://kaz.nur.kz/sport/football/2086517-futbolda-qaqpasylarga-qatysty-zana-ereze-engizilui-mumkin/
