Қазақстан футбол федерациясының басшысы Әділет Барменқұлов ұлттық құраманың бас бапкері қызметіне ресейлік маман Станислав Черчесов негізгі үміткер екенін айтты. Бұл туралы KAZ.NUR.KZ "Риа Новости Спорт" сайтына сілтеме жасап хабарлайды.
"Бізде бес үміткер бар. Оның ішінде басты үміткер – Станислав Саламович. Біз онымен сөйлестік. Ақырғы шешімді дүйсенбіде қабылдаймыз", - деді Барменқұлов.
Черчесов 2016 жылдан 2021 жылға дейін Ресей құрамасын жаттықтырған. Оның басшылығымен команда 2018 жылғы әлем чемпионатының 1/4 финалына жетті. Ал Еуро-2020 турнирінде Бельгия, Дания және Финляндия командаларымен бір топта ойнап, соңғы орын алды. Маман соңғы рет венгриялық "Ференцварош" клубында бапкер болды. Ол осы клубта 2023 жылдың жазына дейін қызмет атқарды.
Еске салайық, осыған дейін ұлттық құраманы жаттықтырған Магомед Адиев қызметінен кеткен еді. Ол мұндай шешімді отбасылық жағдайына байланысты қабылдағанын айтты.
Мақаланың түпнұсқасы: https://kaz.nur.kz/sport/football/2111202-futboldan-qazaqstan-quramasynyng-bas-bapkeri-qyzmetine-negizgi-umitker-kim-ekeni-anyqtaldy/
