Франциялық футболшы Килиан Мбаппе ресми түрде испаниялық "Реал Мадрид" командасының ойыншысы атанды. Бұл туралы KAZ.NUR.KZ "Реал Мадридтің" Instagram желісіндегі ресми парақшасына сілтеме жасап хабарлайды.
25 жастағы футболшы мадридтік командамен 5 жылға келісімшартқа отырды.
Айта кетейік, Мбаппе франциялық ПСЖ командасынан осы маусым аяқталғанда кететінін мәлімдеген еді. Ол париждік клубта 2017/18 маусымнан бері ойнады. Барлығы 306 матчта 255 гол соқты.
ПСЖ-дағы жеті жыл ішінде Мбаппе Франция чемпионатын алты рет жеңіп алды, төрт рет Франция кубогының, үш рет ел Суперкубогының, екі рет Франция лигасы кубогының жеңімпазы болды. Франция құрамасымен бірге Мбаппе 2018 жылы әлем чемпионы атанды.
Еске салайық, "Реал Мадрид" футбол клубы 1 маусымда "Боруссия Дортмундты" ұтып, УЕФА Чемпиондар лигасының 15 дүркін жеңімпазы атанған еді.
Мақаланың түпнұсқасы: https://kaz.nur.kz/sport/football/2111667-mbappe-resmi-turde-real-madrid-oiynshysy-atandy/
