Шағын футболдан Қазақстан құрамасы Еуропа чемпионатының қола жүлдегері атанды

Шағын футболдан Қазақстан құрамасы әуесқойлар арасында Босния және Герцеговинада өткен Еуропа чемпионатында қола жүлде иеленді. Бұл туралы KAZ.NUR.KZ тілшісі хабарлайды.

Қазақстан құрамасы қола жүлде үшін Франция командасына қарсы матч өткізіп, 7:2 есебімен ұтты. Сербиялықтар жарыс жеңімпазы атанса, күміс медальді Румыния еншіледі.

Айта кетейік, Қазақстан құрамасы Еуропа чемпионатының B тобында көш бастап, кейін Словения және Әзербайжан командаларын жеңген болатын. Бірақ жартылай финалда Румынияға пенальти сериясында есе жіберді.

Мамырда шағын футболдан Қазақстан құрамасы екінші мәрте 6x6 форматындағы Socca Eurocup-2024 халықаралық турнирінің жеңімпазы атанған еді.

Мәтіннен қате тапсаңыз, бізге жазыңыз