Лионель Месси мансабындағы соңғы клубты атады

Аргентиналық футболшы Лионель Месси ESPN порталына берген сұқбатында өзінің кәсіби мансабын аяқтау және жаңа жетістіктер туралы ойымен бөлісті. Бұл туралы KAZ.NUR.KZ тілшісі хабарлайды.

Шабуылшы 2023 жылдан бастап америкалық "Интер Майами" футбол клубының сапында өнер көрсетеді. Маусым айында 37 жасқа толатын Месси үшін бұл Еуропадан тыс алғашқы клуб.

"Менің ойымша бұл мансабымдағы соңғы команда. Мен өмір бойы футболмен айналысып келемін және доп ойнағанды ұнатамын. Жаттығулар мен матчтар - өмірімнің бір бөлшегі. Сондықтан бойымда осы кезең аяқталады деген қорқыныштың да барын жасырмаймын. Маған футбол ұнайды, сондай-ақ менің мансабымның аяқталып қалғанын түсінемін", - деді Месси.

Атақты футболшы қазір Аргентина құрамасымен бірге 20 маусым мен 14 шілде аралығында өтетін Америка кубогына дайындалып жатыр. Турнирге Оңтүстік Американың 10 құрамасы мен Солтүстік, Орталық Америка елдері, сондай-ақ Кариб теңізінің 6 командасы қатысады.

Мәтіннен қате тапсаңыз, бізге жазыңыз