Футболдан Германия құрамасы өз алаңында өтіп жатқан Еуропа чемпионатының екінші турында Мажарстан командасын ұтты. Бұл туралы KAZ.NUR.KZ тілшісі хабарлайды.
A тобында бақ сынап жатқан екі құраманың ойыны Штутгардта (Германия) өтіп, 2:0 есебімен аяқталды.
Матчтың 22-минутында Германия құрамасының жартылай қорғаушысы Джамал Мусиала мергендік танытты. Екінші таймда оның командаласы Илкай Гюндоган (67-минутта) есепті еселеді. Осы жеңістің арқасында германиялықтар үш ұпайға ие болып, А тобында көш басында қалды.
Айта кетейік, бірінші турда Германия командасы Шотландияны 5:1 есебімен ойсырата жеңсе, Мажарстан құрамасы Швейцариядан 1:3 есебімен ұтылған болатын.
Бүгін, 20 маусымға қараған түні А тобындағы тағы екі құрама – Шотландия мен Швейцария кездеседі. Матч Қазақстан уақытымен 00:00-де басталады. Бұл ойынды Qazsport телеарнасынан тікелей эфирде көруге болады.
Футболдан Еуропа чемпионаты Германияның 10 қаласында өтіп жатыр. Турнир 14 маусымда басталды және 14 шілдеге дейін жалғасады.
Мақаланың түпнұсқасы: https://kaz.nur.kz/sport/football/2120553-germaniia-quramasy-oz-alangyndagy-euro-2024-turnirinde-ekinshi-ret-zhengiske-zhetti/
