Футболдан Америка кубогы: ширек финалға шыққан құрамалар анықталды

АҚШ-та футболдан Америка кубогының топтық кезеңіндегі ойындар аяқталып, ширек финалда кездесетін құрамалар анықталды. Бұл туралы KAZ.NUR.KZ тілшісі хабарлайды.

Америка кубогы турнирінің D тобындағы құрамалар соңғы тур аясында кездесу өткізді. Бұл тартысқа толы матчта Бразилия Колумбияны жеңе алмады. Нәтижесінде есеп 1:1 болып аяқталды. Тең ойынға қарамастан, қос құрама плей-оффқа жолдама алды.

Осы топта өнер көрсететін Коста-Рика құрамасы Парагвайдан 2:1 есебімен басым түсті, алайда бұл командалар ширек финалға шыға алмады.

Америка кубогының ширек финалдық кездесулері:

5 шілде

06:00. Аргентина – Эквадор;

6 шілде

06:00. Венесуэла – Канада;

7 шілде

03:00. Колумбия – Панама;

06:00. Уругвай – Бразилия.

Еске салайық, Америка кубогы 15 шілдеге дейін жалғасады. Алдыңғы біріншілікте Аргентина құрамасы чемпион атанған болатын.

Мәтіннен қате тапсаңыз, бізге жазыңыз