Мбаппе Роналдуға қарсы ойнайды: бүгін Еуропа чемпионатының ширек финалы басталады

Бүгін, 5 шілдеде Германияда өтіп жатқан футболдан Еуропа чемпионатының 1/4 финалы басталады. Бұл туралы KAZ.NUR.KZ тілшісі хабарлайды.

Ширек финалдың алғашқы матчы Испания және Германия құрамалары арасында өтеді. Бұл кездесу Қазақстан уақытымен сағат 21:00-де басталады. Тікелей трансляцияны Qazsport телеарнасынан көруге болады.

Сондай-ақ бүгін Португалия және Франция командалары өзара кім мықтыны анықтайды. Қазақстан уақытымен түнгі 00:00-де басталатын матчты Qazaqstan және Qazsport телеарналары тікелей эфирде көрсетеді.

Ал ертең, 6 шілдеде ширек финалда Англия – Швейцария, Нидерланд – Түркия құрамалары кездеседі. Еуропа чемпионатының жартылай финалы 9-10 шілдеде өтсе, ақтық мәре 14 шілдеде Берлиндегі "Олимпиада" стадионында болады.

Айта кетейік, соңғы рет Еуропа чемпионатында Италия құрамасы жеңіске жеткен еді. Бұл команда биылғы доданың 1/8 финалында Швейцарияға есе жіберіп, жарыстан шығып қалды.

Мәтіннен қате тапсаңыз, бізге жазыңыз