Чемпиондар лигасының бірінші іріктеу кезеңінде шымкенттік "Ордабасы" мен молдовалық "Петрокуб" клубтары кездесті. Бұл туралы KAZ.NUR.KZ тілшісі хабарлайды.
Шымкенттегі Қажымұқан Мұңайтпасов атындағы стадионында өткен алғашқы ойында гол соғылмады, қос команда тең нәтижені қанағат тұтты.
Матч барысында қос команда жиі-жиі өткір шабуылымен көзге түсті. "Ордабасы" клубы ойын кезінде 14 соққы (қақпаға дәл бағытталған – 4), "Петрокуб" 8 соққы (қақпаға дәл бағытталған – 5) жасаған.
Қарымта кездесу 17 шілдеде Молдовада өтеді. Осы матчта жеңіске жеткен клуб Чемпиондар лигасының екінші іріктеу кезеңінде кипрлік "АПОЭЛ" командасына қарсы кездесу өткізеді.
Мақаланың түпнұсқасы: https://kaz.nur.kz/sport/football/2131953-chempiondar-ligasy-ordabasy-men-petrokub-klubtary-teng-natizheni-qanagat-tutty/
