![Футзалдан Қазақстан құрамасы Футзалдан Қазақстан құрамасы](https://cdn.nur.kz/images/1120x630/771355bd0a2e2c48.jpeg)
Футзалдан Қазақстан ұлттық құрамасы 2024 жылғы әлем чемпионаты алдында бес бақылау матчын өткізеді. Бұл туралы KAZ.NUR.KZ Қазақстан футбол федерациясының ресми сайтына сілтеме жасап хабарлайды.
Қазақстан құрамасы 5-18 тамыз аралығында оқу-жаттығу жиынының бірінші кезеңін Алматыда өткізеді. Кейін команда 5 қыркүйекке дейін Астанада жаттығады. Екінші ОЖЖ барысында Қазақстан құрамасы Тәжікстанмен 22 және 24 тамызда "Сайран Аренада" ойнайды.
Сондай-ақ Қазақстан құрамасының Иранға қарсы екі жолдастық матчы жоспарланған. Ойындар 30 тамыз және 1 қыркүйекте Жақсылық Үшкемпіров атындағы жекпе-жек сарайында өтеді. Жиынның қорытынды кезеңі Алматыда 6-10 қыркүйек аралығында болады. 7 қыркүйекте Қазақстан құрамасы Аргентинамен кездеседі. Матч "Алматы Арена" спорт кешенінде өтеді.
Айта кетейік, футзалдан Аргентина құрамасы 2016 жылы әлем чемпионы атанған еді. Сондай-ақ аргентиналықтар 2003, 2015, 2022 жылдары Америка кубогын жеңіп алған.
Қазақстан құрамасының жолдастық кездесулерінің күнтізбесі:
22 және 24 тамыз
- Қазақстан – Тәжікстан ("Сайран Арена" СК, Астана);
30 тамыз және 1 қыркүйек
- Қазақстан – Иран (Жақсылық Үшкемпіров атындағы жекпе-жек сарайы, Астана);
7 қыркүйек
- Қазақстан – Аргентина ("Алматы Арена", Алматы).
Еске салайық, футзалдан Қазақстан құрамасының капитаны Лео Игита мадридтік "Реал" мен Бразилия құрамасының футболшысы Винисиус Жуниормен футзал ойнағанын жазған едік.
Мақаланың түпнұсқасы: https://kaz.nur.kz/sport/football/2138580-qazaqstan-futzal-quramasy-almatyda-alem-chempionyna-qarsy-match-otkizedi/