Станислав Черчесов болгариялық клубқа ауысатыны туралы қауесетке жауап берді

Футболдан Қазақстан құрамасының бас бапкері Станислав Черчесов болгариялық "Лудогорец" командасына ауысатыны туралы ақпаратты жоққа шығарды. Бұл туралы KAZ.NUR.KZ Спорт-экспересс басылымына сілтеме жасап хабарлайды.

Бұған дейін Станислав Черчесов болгариялық "Лудогорец" футбол клубын басқаратыны және келісімшартқа қол қояйын деп жатқаны туралы ақпарат пайда болған еді. Бас бапкер бұл ақпарат шындыққа жанаспайтынын айтты.

"Бұл не сандырақ?! Бұл ақпарат қайдан шықты?! "Лудогорецтен" ешкім маған хабарласпады. Хабарласқан күннің өзінде менің қолым басқа жұмыстардан босамайды. Қазір Қазақстан құрамасының Ұлттар лигасындағы алғашқы матчына дайындалып жатырмын. Мен бәріне ақпараттық гигиенаны сақтауды ұсынамын. Тағы да сұрағым келіп тұр: мұндай ақпарат қайдан келеді?!"- деді Черчесов.

Еске сала кетейік, ресейлік маман Станислав Черчесов маусымда футболдан Қазақстан ұлттық құрамасының бас бапкері болып тағайындалған еді. Ол бұл қызметте Магомед Адиевті алмастырды.

Қазақстан құрамасы 6 қыркүйекте Алматыда УЕФА Ұлттар лигасының топтық кезеңі аясында Норвегияға қарсы ойнайды. Бұл ойында Черчесов алғаш рет Қазақстан командасына жетекшілік етеді.

Мәтіннен қате тапсаңыз, бізге жазыңыз