Станислав Черчесов Қазақстан құрамасы тізгініндегі алғашқы жаттығуын өткізді (видео)

Футболдан Қазақстан ұлттық құрамасы Ұлттар лигасы аясындағы матчтарға дайындығын бастады. Бұл туралы KAZ.NUR.KZ ұлттық құраманың Instagram желісіндегі ресми парақшасына сілтеме жасап хабарлайды.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Футболдан Қазақстан ұлттық құрамасы Алматыда Ұлттар лигасы матчтарына дайындықты бастады, алғашқы жаттығу залда өтті.
• Бас бапкер Станислав Черчесов жаттығу жұмыстарын басқарды, бірақ әзірге тек қазақстандық клубтардың ойыншылары қатысуда.
• Қазақстан құрамасы қыркүйекте екі матч өткізеді: 6 қыркүйекте Алматыда Норвегиямен, 9 қыркүйекте Люблянада Словениямен кездеседі.

Футболдан Қазақстан ұлттық құрамасы Алматыда Ұлттар лигасы аясындағы матчтарға дайындық жұмысын бастады. Футболшылар жаттығудың алғашқы күнін залда өткізді.

Ұлттық құраманың бас бапкері Станислав Черчесов бұл жаттығу жұмыстарының басы-қасында болды. Сондай-ақ бұл жаттығу жиынына қазақстандық клубтарда ойнайтын футболшылар ғана қатысты. Шетелдік клубтарда өнер көрсететін ойыншылар алдағы күндері құрама қатарына қосылады.

Айта кетейік, қыркүйекте Қазақстан ұлттық құрамасы УЕФА Ұлттар лигасы аясында екі матч өткізеді. Норвегиямен ойын 6 қыркүйекте сағат 19:00-де Алматының "Орталық стадионында" өтсе, Словенияға қарсы кездесу 9 қыркүйекте Любляна қаласындағы "Стожице" стадионында Астана уақытымен сағат 23:45-те болады.