Шетелдік БАҚ: Лионель Месси мансабын АҚШ-та аяқтауға ынталы емес
Опубликовано:
Аргентиналық футболшы Лионель Месси спорттық мансабын қазір өзі ойнап жүрген америкалық "Интер Майами" командасында аяқтағысы келмейді. Бұл туралы KAZ.NUR.KZ хабарлайды.
El Nacional басылымының мәліметінше, Лионель Месси америкалық "Интер Майами" клубымен келісімшарты аяқталған соң өз отанына оралып, тағы бір маусым ойнағысы келеді.
"37 жастағы шабуылшы "Интер Майамиде" мансабын аяқтауды жоспарламайды, ол 2025 жылы келісімшарты біткеннен кейінгі келесі қадамын жоспарлап қойған. Месси мансабын аргентиналық "Ньюэллс Олд Бойз" клубында аяқтағысы келеді", - деп жазды басылым.
"Интер Майами" клубы мен Аргентина құрамасының шабуылшысы Лионель Месси "Ньюэллс Олд Бойз" клубының түлегі. 2000 жылы Месси клубтың академиясынан кетіп, испаниялық "Барселонаға" ауысқан болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2166327-sheteldik-baq-lionel-messi-mansabyn-aqsh-ta-aiaqtauga-yntaly-emes/