Бүгін, 30 қыркүйекте футзалдан Қазақстан ұлттық құрамасы әлем чемпионатының ширек финалдық матчын өткізеді. Бұл туралы KAZ.NUR.KZ тілшісі хабарлайды.
Бүгін, 30 қыркүйекте футзалдан Қазақстан құрамасы Өзбекстанда өтіп жатқан әлем чемпионатының 1/4 финалдық кезеңі аясында Аргентинаға қарсы ойнайды. Матч Астана уақыты бойынша сағат 20:00-де басталады.
Биылғы әлем чемпионатының D тобында сынға түскен Қазақстан құрамасы 7 ұпай еншілеп, екінші орынмен плей-оффқа шыққан болатын.
Турнирдің 1/8 кезеңінде Қазақстан ұлттық құрамасы Португалиямен кездесіп, 2:1 есебімен жеңіске жеткен еді. Ал Португалия 2021 жылы өткен әлем чемпионатында топ жарған еді.
Айта кетейік, әлем чемпионатының жартылай финалы 2-3 қазанда өтеді. Ал ақтық сын 6 қазанда Ташкентте өтеді деп жоспарланған.
Мақаланың түпнұсқасы: https://kaz.nur.kz/sport/football/2167674-qazaqstan-argentina-bugin-ulttyq-qurama-alem-chempionatynyng-1-4-finalynda-oner-korsetedi/
