Футболдан Қазақстан ұлттық құрамасы Аустриядан ойсырай жеңілді

УЕФА Ұлттар лигасы аясында Қазақстан құрамасы сырт алаңда Аустриямен кездесті. Бұл туралы KAZ.NUR.KZ хабарлайды.

УЕФА Ұлттар лигасының 3-туры аясында футболдан Қазақстан ұлттық құрамасы сырт алаңда Аустриямен кездесті. Линц қаласының "Райффайзен Арена" стадионында өткен ойында Қазақстан құрамасы 0:4 есебімен жеңіліс тапты.

Бұл матчта Аустрия құрамасы сапынан Кристоф Баумгартнер (10-минут), Филипп Линхарт (54), Марсель Забитцер (56) и Маттиас Зайдль (79) гол соқты.

Үш күннен кейін, 13 қазанда Қазақстан ұлттық құрамасы Алматыда Словенияны қабылдайды.

Айта кетейік, Қазақстан құрамасы биылғы Ұлттар лигасы маусымындағы алғашқы ойында Норвегиямен кездесіп, тең түскен болатын (0:0). Ал аталмыш турнирдің 2-турында Словения құрамасына қарсы сырт алаңда өткен ойында жеңіліс тапты (0:3). 3 тур қорытындысы бойынша Қазақстан құрамасы 1 ұпаймен ең соңғы орында тұр.

Мәтіннен қате тапсаңыз, бізге жазыңыз