Алматының "Қайрат" футбол клубы Қазақстан премьер-лигасының 23-туры аясындағы ойында түркістандық "Тұран" командасын қабылдап, жеңіске жетті. Бұл туралы KAZ.NUR.KZ тілшісі хабарлайды.
Командалар Алматының Орталық стадионында кездесті. Кездесу 5:1 есебімен алаң иелерінің жеңісімен аяқталды.
Есепті 18-минутта "Қайраттың" грузиялық жартылай қорғаушысы Гиорги Зария ашты. 29-минутта "Тұранның" қорғаушысы Иван Хомуха допты өз қақпасына бағыттады. Бразилиялық Жоао Пауло Хет-трик жасады (34, 74, 95).
Қонақтар сапындағы жалғыз голды 86-минутта Никола Цуцкич соқты.
Осы кездесуден кейін "Қайрат" 21 кездесуде 38 ұпай жинап, футболдан Қазақстан чемпионатының турнирлік кестесінде екінші орынға көтерілді. Тұран соңғы 12-ші орында қалды (20 ойында 19 ұпай).
Мақаланың түпнұсқасы: https://kaz.nur.kz/sport/football/2176313-qairat-turandy-oisyrata-zhengip-chempionat-ushin-kuresti-zhalgastyrdy/
