УЕФА Конференция лигасы: "Астана" екінші ойында жеңіліс тапты

Бүгін, 25 қазанда "Астана" футбол клубы УЕФА Конференция лигасы аясындағы екінші ойынын өткізді. Бұл туралы KAZ.NUR.KZ хабарлайды.

Бүгін елордалық "Астана" футбол клубы УЕФА Конференция лигасы аясында Уэльстің "Нью-Сейнтс" командасына қарсы ойын өткізіп, астаналық клуб 0:2 есебімен жеңіліс тапты.

"Нью-Сейнтс" сапынан ойынның 40-минутында Рори Холден гол соқты. Ал матчтың 78-минутында Мак Манус есепті еселеді.

3 қыркүйекте "Астана" футбол клубы УЕФА Конференция лигасы аясында Алматыда сербиялық "ТСЦ Бачка-Топола" командасына қарсы ойын өткізіп, 1:0 есебімен жеңіске жеткен еді.

Айта кетейік, "Астана" УЕФА Конференция лигасының топтық кезеңінде 7 қарашада "Пафоспен" (Кипр), 28 қарашада "Виториямен" (Португалия), 12 желтоқсанда "Челсимен" (Англия), 19 желтоқсанда "АПОЭЛ"-мен (Кипр) ойнайды.

Мәтіннен қате тапсаңыз, бізге жазыңыз