"Реал Мадрид" футбол клубының қысқы трансфер аусымындағы басты мақсаты қандай
Опубликовано:
Мадридтік "Реал" футбол клубы "Әл-Наср" клубының қорғаушысы Эмерик Ляпортқа қызығушылық танытып жатыр. Бұл туралы KAZ.NUR.KZ Relevo басылымына сілтеме жасап хабарлайды.
Дереккөздің мәліметінше, мадридтік "Реал" футбол клубы 30 жастағы ойыншы Эмерик Ляпортқа көз тігіп отыр. Испаниялық клуб қысқы трансферлік маусымда футболшыны команда сапында қоспақшы ниеті бар.
Эмерик Ляпорттың "Әл-Наср" клубымен келісімшарты 2026 жылдың жазына дейін жасалған. Transfermarkt.de сайты испаниялық қорғаушының құнын 20 миллион еуро деп бағалауда. Биылғы маусымда Эмерик Ляпорт "Әл-Наср" клубы сапында 15 матч өткізіп, 3 гол соқты.
Айта кетейік, Эмерик Ляпорт биыл жазда Германияда өткен Еуро-2024 турнирінде Испания құрамасы сапында өнер көрсетіп, командамен бірге жеңімпаз атанған.
Қазір мадридтік "Реал" футбол клубы Испания чемпионатының (Ла лига) турнир кестесінде 27 ұпай жинап, 2-орында келеді. Ал көш басында 33 ұпай еншілеген "Барселона" клубы орналасқан.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2186376-real-madrid-futbol-klubynyng-qysqy-transfer-ausymyndagy-basty-maqsaty-kim/