Футболдан Қазақстан құрамасының ойыншылары жақында Қазақстан футбол федерациясының президенті қызметінен кеткен Әділет Барменқұловқа алғыс білдірді. Бұл туралы KAZ.NUR.KZ хабарлайды.
Қазақстандық футболшылар Ұлттар лигасы аясындағы Аустрияға қарсы ойын алдында алаңға "Әділет Назарбайұлы, сізге рақмет", - деп жазылған футболка киіп шықты.
Еске салсақ, Әділет Барменқұлов 8 қарашада Қазақстан футбол федерациясының президенті қызметінен өз еркімен кеткен еді. Ол осы лауазымды 2022 жылдың ақпанынан бері атқарған болатын. Федерация жарғысына сәйкес, жаңа президент ҚФФ кезектен тыс конференциясында сайланады.
Барменқұлов тұсында ұлттық құрама 2023 жылы Еуро-2024 іріктеу кезеңінде рекордтық 18 ұпаймен тарихи көрсеткішке жетіп, Еуропа чемпионатының финалдық кезеңіне шығуға бір қадам жақын болды.
Мақаланың түпнұсқасы: https://kaz.nur.kz/sport/football/2187561-qazaqstandyq-futbolshylar-qff-eks-prezidentine-erekshe-algys-bildirdi-foto/
