Алматылық "Қайрат" футзалдан УЕФА Чемпиондар лигасының элиталық кезеңінде екінші жеңісіне жетіп, мерзімінен бұрын төрттік финалға өтті. Бұл туралы KAZ.NUR.KZ хабарлайды.
Қазақстандық команда D тобының екінші турында хорватиялық "Олмиссуммен" кездесті. Ойын 1:0 есебімен "Қайраттың" пайдасына шешілді. Жалғыз голды 26-минутта Эдсон соқты.
Бұл алматылықтар үшін элиталық кезеңдегі екінші жеңіс болды және алты ұпай жинауға мүмкіндік берді. Команда топта бірінші орынға шығып, финалдық кезеңге мерзімінен бұрын жолдама алды.
Осылайша "Қайрат" ұжымы 2025 жылдың мамырында Чемпиондар лигасының жүлдесіне таласады. Төрт команда жартылай финалдық жұптарға бөлінеді, содан кейін финал және үшінші орын үшін матч өтеді.
Айта кетейік, "Қайрат" футзал клубы 2012/13 және 2014/15 маусымда Чемпиондар лигасының жеңімпазы атанған еді.
Мақаланың түпнұсқасы: https://kaz.nur.kz/sport/football/2194086-qairat-futzal-kluby-merziminen-buryn-chempiondar-ligasynyng-torttik-finalyna-shyqty/
