"Астана" клубы "Челсиден" жеңілгеннен кейін Конференция лигасының кестесінде төмендеп кетті

УЕФА Конференция лигасы жалпы кезеңнің 5-туры аяқталды. Барлық матчтың қорытындысы бойынша "Астана" турнир кестесінде төмендеді, деп хабарлайды KAZ.NUR.KZ

Кеше, 12 желтоқсанда УЕФА Конференция лигасы аясында Алматыда елордалық "Астана" клубы лондондық "Челсиден" 1:3 есебімен жеңілген болатын. Осы жеңістің арқасында лондондық клуб 15 ұпай жинап, турнир кестесінде жеке дара көш бастады.

Ал "Астана" футбол клубы аталмыш матчтан кейін турнир кестесінің 28-сатысына сырғыды. Қазіргі уақытта елордалық команданың қоржынында 4 ұпай бар.

Бұған дейін "Астана" сербиялық "ТСЦ Бачка-Топола" командасын 1:0 есебімен жеңіп, португалиялық "Виториямен" 1:1 есебімен тең түсті. Алайда Уэльстің "Нью-Сейнтс" командасынан 0:2 және кипрлік "Пафостан" 0:1 есебімен жеңіліп қалды.

Соңғы турда "Астана" футбол клубы кипрлік "АПОЭЛ" командасына қарсы ойын өткізеді. Матч 19 желтоқсанда Кипрде өтеді.

УЕФА Конференция лигасы 5-турының нәтижелері:

• "Викингур" (Исландия) – "Юргорден" (Швеция) – 1:2;
• "Астана" (Қазақстан) – "Челси" (Англия) – 1:3;
• "Ноа" (Армения) – "АПОЭЛ" (Кипр) – 1:3;
• "Петрокуб" (Молдова) – "Бетис" (Испания) – 0:1;
• "Динамо Минск" (Беларусь) – "Ларн" (Солтүстік Ирландия) – 2:0;
• "Олимпия" (Словения) – "Серкль Брюгге" (Бельгия) – 1:4;
• "Легия" (Польша) – "Лугано" (Швейцария) – 1:2;
• "ХИК" (Финляндия) – "Мольде" (Норвегия) – 2:2;
• "Копенгаген" (Дания) – "Хартс" (Шотландия) – 2:0;
• "Истанбул Башакшехир" (Түркия) – "Хайденхайм" (Германия) – 3:1;
• "Фиорентина" (Италия) – "ЛАСК" (Аустрия) – 7:0;
• "Санкт-Галлен" (Швейцария) – "Витория Гимарайнш" (Португалия) – 1:4;
• "Пафос" (Кипр) – "Целе" (Словения) – 2:0;
• "Гент" (Бельгия) – "ТСЦ" (Сербия) – 3:0;
• "Нью-Сейнтс" (Уэльс) – "Панатинаикос" (Грекия) – 0:2;
• "Млада Болеслав" (Чехия) – "Ягеллония" (Польша) – 1:0;
• "Шемрок Роверс" (Ирландия) – "Борац" (Босния және Герцеговина) – 3:0;
• "Омония" (Кипр) – "Рапид" (Аустрия) – 3:1.

Айта кетейік, УЕФА Конференция лигасы жалпы кезеңінің 6-тур ойындары 19 желтоқсанда өтеді.