Ресми: Qazaqstan Football League президенті қызметінен кетті

Ғани Қайназаров Qazaqstan Football League президенті қызметінен кетті. Бұл туралы KAZ.NUR.KZ лиганың ресми сайтына сілтеме жасап хабарлайды.

Ғани Қайназаров биыл 17 мамырда футбол ұйымының басшылығына сайланған еді. Оның қызметтен кетуіне өзге жұмысқа ауысуы әсер етті.

"Qazaqstan Football League-сында осы жылы отандық футболды дамытуға бағытталған біршама реформалар жүзеге асты. Мен үшін QFL-ді басқару үлкен құрмет әрі жауапкершілік және көптеген жобалардың іске асуына үлес қосқаныма қуаныштымын. Лиганың командасы, футбол клубтары, біздің серіктестер, БАҚ өкілдері және құрметті жанкүйерлерге қолдау танытып, бірге жемісті қызмет атқарғаны үшін рақметімді айтамын", - деді Ғани Қайназаров. 

Qazaqstan Football League Ғани Әділханұлына өз алғысын білдіріп, алдағы жұмыстарына сәттілік тілейді.

Айта кетейік, жаңа басшыны сайлау бойынша мәселе жақын уақытта Лига мүшелерінің кезектен тыс отырысында талқыланатын болады.

Мәтіннен қате тапсаңыз, бізге жазыңыз