"Қызылжар" футбол клубы бірден сегіз бірдей ойыншысымен қош айтысты

"Қызылжар" футбол клубының сегіз футболшысы командамен келісімшартын тоқтатты. Бұл туралы KAZ.NUR.KZ клубтың баспасөз қызметіне сілтеме жасап хабарлайды.

Келісімшарт мерзімі аяқталуына байланысты Петропавлдың "Қызылжар" футбол клубының 8 ойыншысы командамен қош айтысты.

Осылайша, келесі маусымда "Қызылжар" футбол клубы сапынжа Владислав Сорокинс, Ұлар Жақсыбаев, Зоран Нижич, Лука Имнадзе, Рафаил Оспанов, Рубен Бригидо, Алексей Щебетун және Шохан Абзал ойнамайды.

Клуб ойыншыларға биылғы маусым үшін алғыс айтып, жаңа командада сәттілік тіледі.

Айта кетейік, қазіргі уақытта "Қызылжар" футбол клубы оқу-жаттығу жиынын өткізіп жатыр. Оқу-жаттығу жиыны барысында Сербия, Венгрия, Косово, Македония, Босния және Герцеговина елдерінің клубтарымен жолдастық кездесу өткізеді.