Футболдан Қазақстан ерлер құрамасы Беларусь құрамасымен жолдастық кездесу өткізеді, деп хабарлайды Қазақстан футбол федерациясына сілтеме жасаған KAZ.NUR.KZ.
Ұлттық құрама ойындарының келесі кезеңі маусым айында ашылады. 2026 жылғы әлем чемпионатының іріктеу кезеңінде Қазақстанның осы айға жоспарланған бір ғана ойыны бар: 9 маусымда өз алаңында Солтүстік Македонияға қарсы матч.
Екінші кездесу жолдастық сипатта болмақ. Қарсыласы Беларусь құрамасы болмақ. Бұл матч 5 маусымда Минскідегі "Динамо" Ұлттық олимпиада стадионында өтеді. Ойын жергілікті уақыт бойынша 20:00-де (Астана уақыты бойынша 22:00) басталады.
Бүгінде ФИФА ерлер рейтингінде Беларусь 98-орында, Қазақстан 113-орында. Беларусь құрамасы әлем чемпионатының іріктеу кезеңін қыркүйекте бастайды. Қазақстан іріктеу кезеңін наурызда бастап, Уэльстен жеңіліп, Лихтенштейнді жеңіп үлгерді.
Мақаланың түпнұсқасы: https://kaz.nur.kz/sport/football/2239620-futboldan-qazaqstan-quramasy-belarus-quramasymen-kezdesu-otkizedi/
