"Реал Мадрид" ойыншыларын Алматы тұрғындары қалай қарсы алды (фото, видео)

Өткен түнде Алматы әуежайына "Реал Мадрид" клубының футболшылары мінген ұшақ қонды. Футболшыларды Алматы тұрғындары жылы қарсы алды, деп хабарлайды KAZ.NUR.KZ.

Бірнеше сағат бұрын корольдік клубтың Instagram желісіндегі ресми аккаунтында футболшылар Алматыға келіп жеткені туралы жазба жарияланды.

"Алматыға қону", - деп жазылған футболшылар фотосы ұсынылған жазбада.

Жарияланған кадрлардан футболшылардың ұшақтан шығып жатқан сәтін көруге болады.

Қазақстандық жанкүйерлер жазбаға пікір қалдырып, танымал спортшыларға қошемет білдірді.

"Қазақстанға қош келдіңіздер", "Сіздерді қаламызда көргенімізге қуаныштымыз", "Алматыға қош келдіңіздер", - деп жазды қазақстандықтар.

Посмотреть эту публикацию в Instagram

Публикация от Real Madrid C.F. (@realmadrid)

Алматы әуежайының баспасөз қызметі "Реал Мадридті" оңтүстік астанада қарсы алу сәтінен кадрларды бөлісті. Фотоларда қазақтың ұлттық киімін киген музыканттардың футболшыларды қарсы алып жатқанын байқауға болады. Олар дәстүрлі аспаптарда Чемпиондар лигасының әнұранын ойнады.

"Алматы халықаралық әуежайы УЕФА Чемпиондар лигасына қатысушы-ойыншыларын қарсы алды. Бүгін Еуропаның басты клубтық турнирі аясында Испанияның "Реал Мадрид" клубының ойыншылары Алматыға келді. Қонақтарға қазақы қонақжайлық пен ыстық лебіз ықыласы көрсетілді. Футболшыларға УЕФА Чемпиондар лигасының әнұранын қазақтың дәстүрлі аспаптарында орындау ерекше әсер етті. Бұл сәт спортқа деген сүйіспеншілік пен ерекше ұлттық үнді біріктірді", - делінген хабарламада.

Мәтіннен қате тапсаңыз, бізге жазыңыз