"Реал Мадрид" командасы Алматыдағы қай қонақүйге орналасқаны белгілі болды (видео)

"Реал Мадрид" командасы қай қонақүйге орналасқаны белгілі болды. Бұқаралық ақпарат құралдарының хабарлауынша, ол жерге басқа қонақтарды қабылдамай жатыр, деп хабарлайды KAZ.NUR.KZ.

"Реал Мадрид" ресми сайтының хабарлауынша, команда Алматыдағы InterContinental қонақүйіне орналасқан.

Спорт Шредингера басылымы Алматы әкімдігіне қарама-қарсы орналасқан бес жұлдызды қонақүйді брондау мүмкін емес екенін анықтады. Автор "Реал Мадрид" қонақүйді түгел брондады деген болжам жасаған.

Сондай-ақ басылымның Telegram желісіндегі арнасында испан командасын тіпті қонақүйде де жанкүйері мазалап жатқан сәтінен видеолар жарияланды. Кадрлардан атақты футболшыларды жанкүйері дәлізде қоршап алып, телефондарына түсіріп жатқанын көруге болады.

Желіде Килиан Мбаппенің өзіне тамақ салып жатқан сәті жасырын түсірілген видео да жарияланды.

Еске сала кетейік, кеше түнде Алматы әуежайына Испанияның "Реал Мадрид" клубының ойыншылары мінген ұшақ қонды. Қайраттың қарсыласын қазақстандықтар қалай қарсы алғаны туралы жазғанбыз.

Мәтіннен қате тапсаңыз, бізге жазыңыз