БАҚ: Мбаппе "Қайрат" – "Реал" матчында алаңға негізгі құрамда шықпайды

Килиан Мбаппе "Қайрат" – "Реал" ойынында жасыл алаңға негізгі құрамда шықпайды, деп хабарлайды 1bol.kz.

Басылымның Defensa Central басылымына сілтеме жасап хабарлауынша, мадридтік "Реалдың" жұлдызы Килиан Мбаппе кездесуді алғашқы минуттардан бастамайды. Француз шабуылшысы тек қосалқы құрамнан алаңға шығуы мүмкін. Бұл шешімге клубтың бас бапкері Хаби Алонсоның өзіндік жоспары әсер еткен.

"Мен алаңға он бір ойыншымен шығамын, және бұл он бір ойыншы — мадридтік "Реалдың" ойыншылары. Бұл өте бәсекеге қабілетті команда болады. Біз алғаш рет топтық кезеңде өнер көрсетіп отырған, бірақ жақсы ойнайтын қарсыласпен кездесеміз. Сондықтан бізден жоғары деңгейдегі ойынды талап етеді", - деді Хаби Алонсо матч алдындағы баспасөз конференциясында.

Айта кетейік, матч 30 қыркүйекте Қазақстан уақытымен 21:45-те басталады.

Мәтіннен қате тапсаңыз, бізге жазыңыз