"4:0":Қазақстан құрамасы өз алаңында Лихтенштейнді ойсырата жеңді

Футболдан Қазақстан ұлттық құрамасы 2026 жылғы әлем чемпионатының іріктеу матчында Лихтенштейн командасын ірі есеппен жеңді. Бұл туралы KAZ.NUR.KZ хабарлайды.

Командалар J тобының жетінші туры аясында матч өткізді. Бұл Талғат Байсуфиновтың тағайындалуынан кейін өткен алғашқы ойын болды. Кездесу "Астана Аренада" өтіп, 4:0 есебімен алаң қожайындарының жеңісімен аяқталды.

Ойынның есебін 26-минутта Ғалымжан Кенжебек ашты. Екі минуттан кейін жартылай қорғаушы Бахтиер Зайнутдинов (28) есепті еселеді.

Үзілістен кейін бірінші голдың авторы Ғалымжан Кенжебек (59) дубль жасады. Ойынның нүктесін Әлібек Қасым қойды. Кездесудің 81-минутында ол есепті 4:0 жасады.

Мәтіннен қате тапсаңыз, бізге жазыңыз