БАҚ: 15 жастағы қазақ баласы "Барселонамен" келісімшартқа отырды

15 жастағы қазақ футболшысы Кәрім Меңдіқанов Испанияның әйгілі "Барселона" клубымен келісімшартқа отырды, деп хабарлайды Sports.kz-ке сілтеме жасаған KAZ.NUR.KZ.

"Испанияның балалар-жасөспірімдер футболы халықаралық таланттарды өзіне тартуды жалғастырып жатыр және назарымызды аударған есімдердің бірі – Кәрім Меңдіқанов. 2011 жылы туған Қазақстаннан шыққан жас футболшы "Барселонамен" келісімшартқа қол қойды және келесі маусымда клубқа қосылады", - делінген мақалада.

Меңдіқанов Испанияға 2022 жылы келген және содан бері жергілікті жерде жаттығып жүр.

Өткен маусымда Меңдіқанов аймақтық лигада "Серданьола" клубында ойнаған. Биыл ол "Сант-Кугат" клубына ауысып, команда көшбасшысы атанған. Дәл осы жерде оны ірі клубтардың скауттары байқаған.

Айта кетейік, Кәрім Меңдіқанов атақты "Барселона" клубымен келісімшартқа отырған алғашқы қазақ футболшысы болмақ.

Мәтіннен қате тапсаңыз, бізге жазыңыз