Бельгия құрамасы әлем чемпионатының 1/8 финалында АҚШ құрамасын ойсырата ұтты

АҚШ құрамасы футболдан 2026 жылғы әлем чемпионатының 1/8 финалында Бельгияға есе жіберді, деп хабарлайды KAZ.NUR.KZ тілшісі.

Плей-офф матчы Сиэтлдегі "Люмен Филд" cтадионында өтті және 4:1 есебімен аяқталды.

Бельгиялықтар сапында шабуылшы Шарль Де Кетеларе дубль жасады (9 және 33 минуттар). Жартылай қорғаушылар Ханс Ванакен (57) мен шабуылшы Ромелу Лукаку (90+3) да бір-бір голдан соқты. Де Кетелаере, Ванакен, жартылай қорғаушы Николас Раскин және шабуылшы Леандро Троссардтардың пастары нәтижелі аяқталды. Америкалықтардан жалғыз голды жартылай қорғаушы Малик Тилльман (31) соқты.

Матч қарсаңында шабуылшы Фоларин Балогунға қатысты дау шықты. Халықаралық футбол қауымдастықтары федерациясының (ФИФА) тәртіп комитеті оның дисквалификациясын бір жылдық сынақ мерзіміне шегерді. Сол себепті АҚШ құрамасының ең үздік бомбардирі алдыңғы матчта қызыл қағаз алғанына қарамастан Бельгияға қарсы ойнады.

Балогунның дисквалификациясын қайта қарауды Дональд Трамптың өзі сұраған. Ал ФИФА президенті Джанни Инфантино бұл тәртіптік комитеттің шешіміне әсер етпегенін мәлімдеді.

Балогун Бельгияға қарсы матчта бастапқы құрамда алаңға шықты, бірақ гол соға алмады. Ол ойынның соңында ауыстырылды.

АҚШ құрамасы турнирдің басқа қожайындары Мексика мен Канада секілді әлем кубогындағы жорығын 1/8 финалда аяқтады.

Бельгиялықтар ширек финалға шықты, онда олар Испаниямен кездеседі. Матч Қазақстан уақыты бойынша 10 шілдеден 11-іне қараған түні өтеді.

Мәтіннен қате тапсаңыз, бізге жазыңыз