Зидан Франция құрамасының бас бапкері қызметіне ресми түрде кірісті

Франция футбол федерациясы Зинедин Зиданды ерлер ұлттық құрамасының жаңа бас бапкері ретінде ресми таныстырды, деп хабарлайды KAZ.NUR.KZ.

Федерация 54 жастағы маманмен төрт жылға келісімшартқа отырған. Зидан 2012 жылдан бері Франция құрамасына жетекшілік етіп, команданың әлем чемпионаты мен Ұлттар лигасында жеңіске жетуіне себепші болған Дидье Дешамның орнына келді.

Жаңа бапкерді ресми таныстырудан кейін баспасөз мәслихаты өтті. Зидан Дешамға және федерация басшылығына алғысын айтты.

"Мен Франция құрамасынан маңызды ештеңе жоқ деп жиі айтатынмын. Бас бапкер атанғаныма өте қуаныштымын және мақтан тұтамын. Бірақ бұл – үлкен жауапкершілік", - деді Зидан.

Осылайша, Зиданның бапкерлік мансабындағы бес жылдық үзіліс аяқталды. 2021 жылы мадридтік "Реалдан" кеткен ол клубпен бірге Чемпиондар лигасында үш рет жеңіске жетіп, бірнеше трофейді иеленген еді.

Футболшы ретінде Зидан өз дәуірінің ең титулды ойыншыларының бірі болды. Ол Чемпиондар лигасын, әлем және Еуропа чемпионаттарын жеңіп алды. 1998 жылы "Алтын доп" иегері атанды.

Посмотреть эту публикацию в Instagram

Публикация от Equipe de France de Football (@equipedefrance)

Мәтіннен қате тапсаңыз,бізге жазыңыз