Хоккейден Қазақстан әйелдер құрамасы әлем чемпионатында қатарынан екі матч ұтылды

Оңтүстік Кореяның Сувон қаласында бірінші дивизионның "В" тобында хоккейден қыздар арасында әлем чемпионаты өтіп жатқаны белгілі. Қазақстан құрамасы қатарынан екі ойында жеңіліске ұшырады, деп жазады KAZ.NUR.KZ тілшісі.

Қазақстан әйелдер құрамасы байрақты бәсекенің алғашқы матчын Ұлыбританияға қарсы өткізді.

Тартысты ойынның тағдырын Кэти Генридің жалғыз голы шешіп кетті.

Одан кейін отандық спортшылар Словениямен ойнап, 2:1 есебімен есе жіберді.

Осылайша, Қазақстан әйелдер құрамасы әлем чемпионатында қатарынан екі кездесуде ұпай жоғалтып отыр.

Енді отандық хоккейшілер 20 сәуір күні Италияға қарсы матч өткізбек.

Еске сала кетейік, бұған дейін хоккейден әлем чемпионатына қатысатын Қазақстан әйелдер құрамасы туралы жазған едік.

Мәтіннен қате тапсаңыз, бізге жазыңыз