"Барыс" хоккей клубы жеңіске жетіп, сәтсіз сериясын тоқтатты

Қазақстандық "Барыс" ұжымы Құрлықтық хоккей лигасындағы кезекті ойынында жеңіске жетті, деп хабарлайды KAZ.NUR.KZ.

23 қараша елордалық "Барыс" өз алаңында ресейлік "Нефтехимик" командасын қабылдады. Осы ойынға дейін "Барыс" ұжымы ҚХЛ-дың Шығыс конференциясында 11-орында болса, "Нефтехимик" 9-орында болды. Астанада өткен кездесу 4:3 есебімен жергілікті команданың пайдасына шешілді.

"Барыс" – "Нефтехимик" 4:3 ОТ (1:1, 1:1, 1:1, 1:0)

• 0:1 – 07:39 – Белозёров (Дергачёв, Якупов);
• 1:1 – 11:11 – Оспанов (Гурков);
• 2:1 – 32:07 – Ножье (Шестаков);
• 2:2 – 39:06 – Белозёров (Сетдиков, Кашников);
• 3:2 – 55:28 – Савицкий (Муратов, Шалапов);
• 3:3 – 57:04 – Дергачёв (Белозёров);
• 4:3 – 61:31 – Оберг (Камара).

Айта кетейік, "Барыс" хоккей клубы қатарынан 3 ойын жеңіске жете алмай жүрген еді. Кешегі кездесудегі жеңістің арқасында Ғалым Мәмбеталиевтің шәкірттері 3 ұпай еншіледі. Келесі кездесу 27 қараша ресейлік "Витязь" ұжымына қарсы болады.