Алматыда хоккейден тұңғыш Азия чемпионаты басталды

Бүгін, 6 қарашада Алматыда шайбалы хоккейден тарихтағы алғашқы Азия чемпионаты басталды. Бұл туралы KAZ.NUR.KZ хабарлайды.

Алматыда шайбалы хоккейден тұңғыш рет өтіп жатқан Азия чемпионаты Жапония мен Қытай құрамалары арасындағы ойынмен басталды.

Ал бүгін, 6 қарашада хоккейден Қазақстан ұлттық құрамасы Оңтүстік Кореяға қарсы сағат 19:30-да ойын өткізеді.

Бұл сында жеңімпаз айналмалы жүйе бойынша өтіп, турнирлік кесте нәтижелері арқылы белгілі болмақ. Аталған біріншілікте ұлттық құрама қатысушы барлық командамен шеберлік байқасып, өзара мықтыны анықтайды.

Айта кетейік, Азия чемпионаты 6-9 қараша аралығында Алматыдағы Halyk Arena-да өтеді. Оған Қазақстан, Жапония, Оңтүстік Корея және Қытай құрамалары қатысады.

Мәтіннен қате тапсаңыз, бізге жазыңыз