Астаналық "Барыс" хоккей клубы Құрлықтық хоккей лигасы аясында қонақта ресейлік "Сочи" командасынан басым түсті. Бұл туралы KAZ.NUR.KZ хабарлайды.
Астаналық "Барыс" хоккей клубы қонақта ресейлік "Сочи" командасымен кездесті. Нәтижесінде елордалық "Барыс" хоккей клубы 6:3 есебімен жеңіске жетті.
"Барыс" хоккей клубы сапынан бұл ойында Әлихан Әсетов (14-минут), Кирилл Савицкий (15, 51), Никита Сетдиков (24), Кирилл Панюков (36), Антон Бурдасов (50) шайба соқты.
Ал "Сочи" командасы сапынан Данил Мокрушев (16), Данил Авершин (29), Тимур Хафизов (32) көзге түсті.
Айта кетейік, "Барыс" хоккей клубы келесі ойынын "Металлург" (Магнитогорск) командасын өз мұз айдынында қабылдайды.
"Металлург" командасы сапында хоккейден Қазақстан ұлттық құрамасының ойыншысы Никита Михайлис өнер көрсетеді.
Мақаланың түпнұсқасы: https://kaz.nur.kz/sport/hockey/2188590-barys-6-shaiba-sogyp-qhl-matchynda-zhengiske-zhetti/
