Қатарынан төртінші матчта жеңілді: "Барыс" өз мұз айдынында биылғы жылдың соңғы ойынын өткізді

Астаналық "Барыс" клубы Құрлықтық хоккей лигасы аясында қатарынан төртінші ойында жеңіліс тапты. Бұл туралы KAZ.NUR.KZ хабарлайды.

Астаналық команданың қарсыласы ресейлік "Сібір" хоккей клубы болды. Астанада өткен кездесуде "Барыс" хоккей клубы 0:2 есебімен жеңілді.

Бірінші шайбаны елордалық "Барыстың" қақпасына 54-минутта "Сібір" ойыншысы Сергей Широков соқты, одан кейін Кирилл Рассказов кездесудің 56-минутында қонақтардың басымдығын арттырды.

Ғалым Мәмбеталиев шәкірттері қатарынан төртінші ойынша жеңіліп қалды.

Айта кетейік, биыл "Барыс" хоккей клубы сырт алаңда тағы екі кездесу өткізу керек. 28 желтоқсанда "Барыс" хокккейшілері "Торпедомен", ал 30 желтоқсанда "Салават Юлаевпен" кездесу өткізеді.

Мәтіннен қате тапсаңыз, бізге жазыңыз