ҚХЛ-дың 3х3 форматындағы жаңа турнирінде "Барыс" клубы тартысты кездесуде жеңіске жетті

Елордалық "Барыс" клубы Құрлықтық хоккей лигасының 3х3 форматындағы турнирінің 3-турында екі кездесу өткізді. Бұл туралы KAZ.NUR.KZ хабарлайды.

"Барыс" хоккей клубы аталмыш турнирдің 3-турында ресейлік "Трактор" және "Металлург" командаларына қарсы кездесу өткізді.

Елордалық ұжым алғашқы ойынын "Трактор" клубына қарсы өткізді. Бұл кездесу 3:7 есебімен "Трактордың" жеңісімен аяқталды. "Барыс" хоккей клубы сапында Кәрім Қажыбеков, Александр Перкин және Марат Сағымбаев шайба соқты.

"Металлургқа" қарсы өткен екінші кездесуде астаналық хоккейшілер 6:5 есебімен жеңісті жұлып алды. Константин Пушкарев покер жасаса, Арыстан Әмірқанов пен Кәрім Қажыбеков бір-бір шайбадан соқты.

Айта кетейік, ҚХЛ-дың 3х3 форматындағы турнирінің 3-тур ойындары ертең, 4 қаңтарда жалғасады.

Мәтіннен қате тапсаңыз, бізге жазыңыз