Хоккейден әлем чемпионатындағы Қазақстан құрамасының үздік ойыншылары анықталды

Хоккейден Қазақстан құрамасының 2025 жылғы жастар арасындағы әлем чемпионатындағы үздік үш ойыншысы анықталды. Бұл туралы KAZ.NUR.KZ Қазақстан хоккей федерациясының Instagram-дағы парақшасына сілтеме жасап хабарлайды.

Қазақстан құрамасы әлем чемпионатындағы соңғы ойынын Германияға қарсы өткізіп, 4:3 есебімен жеңілді. Осылайша ұлттық команда элиталық дивизионнан шығып қалды.

Бұл матчтан кейін ұйымдастырушылар екі құраманың да үш үздік ойыншысын марапаттады. Қазақстан командасынан Аслан Жүсіпбеков, Кирилл Ляпунов және Владимир Никитин үздік деп танылды.

Жүсіпбеков қорғаушы позициясында ойнайды. 2025 жылғы әлем чемпионатында ол Қазақстан құрамасының капитаны болды және бес матчта бірде-бір ұпай жинаған жоқ. Ляпунов та барлық ойынға қатысты. Шабуылшы үш шайба салып, Артур Гросспен бірге команданың үздік мергені атанды. Ал Никитин Қазақстан құрамасының негізгі қақпашысы болды. Ол барлық бес матчқа қатысып, өз қақпасына бағытталған соққылардың 83,62%-ын қайтарды.

Мәтіннен қате тапсаңыз, бізге жазыңыз