UFC қатарынан екі рет жеңілген қазақ Дамир Исмағұловты қатарынан шығарды

Дамир Исмағұловтың UFC-дегі келісімшарты аяқталды. Бұл туралы лигадағы өзгерістер туралы баяндайтын UFC Roster Watch Twitter арнасы хабарлайды.

UFC аясындағы соңғы жекпе-жекте Исмағұлов төрешілер шешімімен америкалық Грант Доусоннан ұтылды. Кездесу 2 шілде күні өткен болатын.

Бір қызығы, аталған жекпе-жек алдында қазақстандық файтер келісімшартты ұзартатынын айтқан болатын.

Айта кетелік, желтоқсан айында Исмағұлов төрешілердің бірыңғай шешімімен ресейлік Арман Царукяннан жеңілген еді. Бұл UFC-де қатарынан бес рет жеңіске жеткен Дамир үшін алғашқы жеңіліс қатарына енді.

Мәтіннен қате тапсаңыз, бізге жазыңыз