Қазақстандық файтер Жалғас Жұмағұловтың Naiza 55 турниріндегі қарсыласы ауысты, деп хабарлайды KAZ.NUR.KZ Naiza промоушенінің Instagram-дағы ресми парақшасына сілтеме жасап.
Ережесіз жекпе-жек шебері қазақстандық Жалғас Жұмағұлов (14-9) 6 желтоқсанда Naiza 55 турнирінде бразилиялық файтер Яго Рибейроға (12-3) қарсы жұдырықтасу керек еді. Алайда Рибейро денсаулығына байланысты октагонға шыға алмайды. Бразилиялық файтер шұғыл түрде көзіне ота жасатуы керек екен.
Десе де Жалғас Жұмағұловқа қарсылас жылдам табылды. 6 желтоқсан қазақстандық файтерге қарсы октагонға жапониялық Накамура шығады.
Еске салайық, Жалғас Жұмағұловтың соңғы жекпе-жегі 24 маусым UFC промоушенінде болған еді. Аса жеңіл салмақ тұжырымында америкалық Джошуа Ваннан төрешілердің шешімі бойынша есе жіберді.
Мақаланың түпнұсқасы: https://kaz.nur.kz/sport/mma/2046673-naiza-55-zalgas-zumagulovtyn-qarsylasy-auysty/
