Рахмонов қарындасының ұзату тойында АҚШ-тан видео арқылы тілегін арнады
Опубликовано:
Қазақстандық ММА шебері Шавкат Рахмонов қарындасы Сора Рахмонованың ұзату тойына келе алмады. Ол қарындасына арнаған тілегін АҚШ-тан видео арқылы жолдады, деп хабарлайды KAZ.NUR.KZ.
Сора Рахмонованың ұзату тойы 8 желтоқсанда болды. Оның таңдаған жары - Нұрсұлтан Орынбасаров та спортшы.
"Спортшы, чемпион болу бір бақыт, ал, сүйгеніңеді тауып, ұяңнан ұзатылу - ол мүлде басқаша бақыт! Жүрегімді аялайтын, спортымды түсінетін, мені барлық күйімде сүйе алатын жар жолықтырған Аллаға шүкір!
Ата-ана, бауыр, туыстарыма мені еркелетіп өсіргені үшін алғыс айтамын. Баршаңыздың ақ тілектеріңіз қабыл болсын. Өз үйіме аттандым", - деп жазды ол Instagram-дағы парақшасында.
Танымал жекпе-жек шебері Рахмоновтың қарындасын эстрада жұлдызы Мәдина Сәдуақасова ұзатты. Тойда өнердегі танымал адамдар болған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/mma/2050023-raxmonov-qaryndasynyn-uzatu-toiynda-aqs-tan-video-arqyly-tilegin-arnady/