Америкалық файтер Стивен Томпсон Шавкат Рахмоновқа қарсы өтетін жекпе-жекке оқу-жаттығу жұмыстарын жалғастыруда. Бұл туралы KAZ.NUR.KZ UFC промоушенінің Youtube-тағы ресми парақшасына сілтеме жасап.
UFC промоушенінің жартылай орта салмағында өнер көрсететін Шавкат Рахмонов 16 желтоқсан америкалық Стивен Томпсонға қарсы кездесу өткізеді. Америкалық файтер осы жекпе-жек алдында батыл мәлімдеме жасады.
"Шавкат мен сияқты мықты файтерлермен жұдырықтаспады. Мен оны оңай сабаймын да, титулдық кездесу өткіземін. Сондықтан 16 желтоқсан аренаға келіңіздер. Төрешінің менің қолымды көтергенін көресіздер", – деді Стивен Томпсон.
Айта кетейік, қазақстандық файтер Лас-Вегаста болатын жекпе-жек алдында Kill Cliff залында оқу-жаттығу жұмыстарын жалғастыруда.
Мақаланың түпнұсқасы: https://kaz.nur.kz/sport/mma/2050183-men-ony-onai-sabaimyn-savkat-raxmonovtyn-qarsylasy-tosyn-malimdeme-zasady/
