17 желтоқсан Лас-Вегаста өткен UFC 296 турнирінде жартылай орта салмақ дәрежесінде америкалық спортшы Стивен Томпсонды жеңген Шавкат Рахмонов рейтингте 3-орынға көтерілді. Бұл туралы KAZ.NUR.KZ UFC промоушенінің ресми сайтына сілтеме жасап хабарлайды.
Стивен Томпсонға қарсы жекпе-жекке дейін Шавкат 5-орында тұрған еді. Ал 3-орындағы америкалық файтер Колби Ковингтон чемпион Леон Эдвардстан жеңіліп, 5-орынға түсті. Лас-Вегастағы "Ти-Мобайл-Аренада" Эдвардс Ковингтонды қазылар алқасының бірыңғай шешімімен жеңді.
UFC промоушенінің жарты орта салмақтағы үздік 5 файтері:
Дивизион чемпионы – Леон Эдвардс(Ұлыбритания);
- Камару Усман (АҚШ);
- Белал Мухаммад (АҚШ);
- Шавкат Рахмонов (Қазақстан);
- Гилберт Бернс (Бразилия);
- Колби Ковингтон (АҚШ).
Жартылай орта салмақ чемпионы Леон Эдвардс қазақстандық файтер Шавкат Рахмоновпен кездесу өткізуге дайын екенін айтқан еді.
Мақаланың түпнұсқасы: https://kaz.nur.kz/sport/mma/2051503-ufc-reitingi-zanardy-savkat-raxmonov-tizimde-zogarylady/
