Қазақстандық файтер Шавкат Рахмонов 2024 жылы UFC промоушенінің жартылай орта салмақтағы титулдық жекпе-жегіне шығуы мүмкін. Бұл туралы KAZ.NUR.KZ инсайдер Ариэль Хельванидің Twitter-дегі ресми парақшасына сілтеме жасап хабарлайды.
UFC промоушенінің жартылай орта салмақ чемпионы Леон Эдвардс сәуір айында октагонға оралады. Файтер алтын белбеуін UFC 300 турнирі аясында өтетін жекпе-жекте қорғайды.
Инсайдер Ариэль Хельванидің хабарлауынша, Шавкат UFC 300 турнирінде Леон Эдвардспен күш сынасуы мүмкін. Бірақ титулдық кездесуге басты үміткер – Белал Мұхаммад.
"Леон Эдвардс чемпиондық титулын UFC 300 турнирінде қорғайды. Қазіргі уақытта оның қарсыласы Белал Мұхаммад болатыны белгілі. Десе де бұл тізімде Шавкат та бар", – деп жазды Ариэль.
Айта кетейік, Шавкат Рахмонов желтоқсан айында Стивен Томпсонды жеңіп, жартылай орта салмақ дәрежесінде үшінші орынға көтерілген еді.
Мақаланың түпнұсқасы: https://kaz.nur.kz/sport/mma/2053677-savkat-raxmonov-tituldyq-zekpe-zekke-syguy-mumkin/
